Visit Today : 518
Visit Yesterday : 475
This Month : 5191
This Year : 53027
Total Visit : 158015
Hits Today : 5965
Total Hits : 706952
Who's Online : 5تعلیم ہر بچے کا بنیادی حق ہے،دنیا کی کو ئی بھی قوم تعلیم کے بغیر ترقی نہیں کر سکتی: ڈاکٹر سعید احمد
ملتان : تعلیم ہر بچے کا بنیادی حق ہے تعلیم کو عام کرنے اور معاشی طور پر کمزور طبقات کے بچوں کی حوصلہ افزائی کے لیے حکومت اور مخیر حضرات کو مشترکہ طور پر کام کرنا ہوگا دنیا کی کو ئی بھی قوم تعلیم کے بغیر ترقی نہیں کر سکتی دنیا میں ترقی یا فتہ قوم بننے کے لیے ہمیں تمام وسائل اور کاوشیں بچوں کی بہتر تعلیم کے لیے صرف کر دینی چا ہیے ان خیالات کا اظہار لائنز کلبزپا کستان میں سابق سربراہ ڈاکٹر سعید احمد نے فری القلم ماڈل سکول کے سالانہ رزلٹ کے موقع پر اظہار خیال کرتے ہوئے کیا۔اس موقع پر سماجی رہنما خواجہ حماد نے اپنے خطاب میں کہا القلم ماڈل سکول جیسے ادارے نہ صرف بچوں کو زیورِ تعلیم سے آراستہ کر رہے ہیں بلکہ انہیں ایک روشن مستقبل کی راہ بھی دکھا رہے ہیں۔ مجیداللہ خان، شکیل الرحمن،سعدیہ کرمانی،مسز شا زیہ مجید، شاہد جمال، ڈاکٹر سلمان سعید نے کہامحروم طبقات اور کم آمدنی والے گھرانوں کے لیے فری القلم ماڈل سکول کسی نعمت سے کم نہیں جہاں فیس کے بغیر تعلیم کا فروغ ایک قابل ستا ئش اقدام ہے بچوں کو زیور تعلیم سے آراستہ کر نا اووراُن کے اند ر علم کے چراغ روشن کر نا دور حاضر کی سب سے بڑی نعمت ہے۔تقریب سے سکول کی پرنسپل مسز صدف صدیقی،جنید الرحمن، شیخ ریاض نے کہامعاشرے کے کمزور اور مستحق طبقات کے بچوں کی تعلیم پر خصوصی توجہ دینی چاہیے تاکہ وہ بھی ملک و قوم کی ترقی میں اپنا کردار ادا کر سکیں۔ تقریب کے دوران نمایاں کارکردگی دکھانے والے طلبہ میں انعامات اور اسناد تقسیم کی گئیں جبکہ اساتذہ کی خدمات کو بھی سراہا گیا۔
